Շրջակա միջավայր, միջավայրի բարելավում.
Հարավային դպրոց-պարտեզը (հասցեն՝ Ծ. Իսակովի 52/6) գործում է 1984թ. կառուցված 12 խմբանոց տիպային 3600 քառ. մ մակերեսով մանկապարտեզի շենքում: Շենքը կրթահամալիրի ուժերով հարմարեցվել է Հարավային դպրոց-պարտեզի կարիքներին:
Դպրոցում սովորում են թվով 350 1-5-րդ դասարանցիներ: Դպրոցի նախակրթարանում գործում են 2-4 տարեկան սաների 2 պարտեզային խմբեր( 45 սան):
Շենքում կատարվել են բազմաթիվ աշխատանքներ
- Նախկին նկուղները վերածվել են ուսումնական տարածնքների՝ 5-րդ դասարանների կաբինետ-սրահներ, տեխնոլոգիայի, բնագիտության սրահ, երաժշտության սրահ, լրացուցիչ կրթության՝ շախմատի, կերպարվեստի սրահ, մարմնամարզական դահլիճներ, սեղանի թենիսի խաղային հատված, հանդերձարաններ, թատրոն-ավտոբուս:
- Սովորողների թվի աճին զուգահեռ կառուցվել են նոր սանհանգույցներ՝ 6 սանհանգույց:
- Դպրոցի ներքին բակերում կատարվել են բարեկարգման աշխատանքներ՝ տնկվեկ են նոր ծառեր, թփեր, ծաղիկներ:
- Դպրոցի գլխավոր մուտքը բարեկարգվել է, կառուցվել են քարե ծաղկամաններ:
- Դպրոցի բակում գտնվող հին, անպիտան ավտոբուսը համատեղ աշխատանքների շնորհիվ դարձել է թատրոն-ավտոբուս: Ավտոբուսը հիմնովին վերանորոգվել է, նոր շունչ ստացել:
- 2023 թվականի կարևոր աշխատանքներից է նոր ուսումնական առաջին հարկի հիմնանորոգումը: Առաջին հարկում ջեռուցման ամբողջական համակարգ է տեղադրվել: Ամբողջ հարկը բետոնապատվել է, երկու սրահների հատակը ֆաներա է արվել, միջանցքը, երաժշտության սրահը, տեխնոլոգիայի սրահը՝ մոզայկա, իսկ երկու մարզադահլիճների հատակները՝ ռետինե հատակ: Սրահները փակվել են վիտրաժներով:Նոր ուսւոմնական առաջին հարկի համար ձեռք է բերվեկ նոր գույք՝ սեղաններ, աթոռներ, հեռուստացույցներ և այլն:
2024 թվականի կարևոր աշխատանքներ
- Հացատուն, ծեսերի կենտրոնի ստեղծում:
- Դպրոցի արևմտյան կողմում՝պատի երկայնքով, խաղողի վազերի տնկում:
- Դպրոցի շուրջբոլորը ցանկախատերի երկայնքով կանաչ պատերի ստեղծում:
- Դպրոցի հյուսիս-արևելյան ճանապարհի բարեկարգման աշխատանքներ, մեքենաների նոր ավտոկայանման ստեղծում:
Ուսումնական պլան
- 1-5-րդ դասարաններում սովորողն ինքնուրույն կամ ծնողի օգնությամբ ներկայացնում է իր անհատական ուսումնական պլանը:
- Լողը, հեծանիվը, մարմնամարզությունը, շախմատը՝ ներառական տարրական կրթության բաղկացուցիչ։
- 4-5-րդ դասարաններում տեխնոլոգիական տարբեր հմտությունների փոխանցման հարթակ է:
- Պարը, երաժշտությունը, շախմատը, մարմնամարզությունը՝ լրացուցիչ կրթության բաղկացուցիչ։
Ուսումնական հաստատության սովորողները, նրանց նախաձեռնությունները
- Հարավային դպրոցի սովորողներն իրենց գործունեության ընթացքում որպես միջոց ազատ օգտվում են համակարգչից, հեռուստացույցից, ձայնագրիչից, թվային այլ տեխնիկական միջոցներից, համացանցային ռեսուրսներից, օտար լեզուներից։ Սովորողները սպասարկում են իրենց բլոգը, 3-րդ դասարանից սկսած իրենց անհատական բլոգները, էլեկտրոնային ամսագրերը։ Իրականացնում են ռադիո, TV նախածեր:
- Սովորողները մասնակցում են հասարակական նախագծերի՝ մաքրում են դպրոցի բակը, շրջակա միջավայրն աղբից, տնկում են նոր բույսեր, ծառեր, ծաղիկներ, խնամում դրանք, հասնում որոշակի արդյունքի:
- Մասնակցում են ամենամսյա քաղաքային, քաղաքից դուրս կազմակերպվող ճամփորդությունների, ճամբարների: Դրանց մասին ռադիոնյութեր, տեսանյութեր պատրաստում և հրապարակում իրենց բլոգում:
- Մասնակցում են կրթահամալիրում կազմակերպվող ստուգատեսներին, փառատոներին, ֆլեշմոբերին, համերգներին, համագործակցային նախագծերին և այլ միջոցառումների ու նախագծերի:
- Հանդես են գալիս նոր նախագծերով, նախաձեռնություններով:
Ուսումնական հաստատության դասավանդողը՝ աշխատանքային պայմաններ, մասնագիտական զարգացում
- Հարավային դպրոցի դասավանդողները մասնակցում են կրթահամալիրի դասավանդողների մասնագիտական սեմինարներին՝ առցանց կամ ֆիզիկական միջաայրում, որոնք կարող են կազմակերպել և վարել նաև իրենք՝ ըստ իրենց նախաձեռնության և անհրաժեշտության:
- Մասնակցում են մանկավարժական աշխատողների ամենամյա ամառային, աշնանային, ձմեռային, գարնանային բաց դպրոցների աշխատանքներին:
- Անցկացնում են կրթահամալիր դիմած մասնագետների վերապատրաստում:
- Կարգի համաձայն անցնում են ատեստավորում, կամավոր ատեստավորում:
- Անընդհատ զբաղվում ինքնակրթությամբ, ինքնազարգացմամբ: Նոր ծրագրեր ու դասավանդման նոր մեթոդներ սովորում:
- Համապատասխան տվյալներ ունենալու դեպքում ընդգրկվում «Սեբաստացիներ ուսուցչական երգչախմբի, կրթահամալիրի դասավանդողների վոկալ համույթի կազմում:
- Մանսկացում մանկավարժական ակումբի, գրական ակումբի հավաքներին:
- Կազմակերպում քաղաքային, մեկօրյա, գիշերակացով ճամփորդություններ, ճամբարներ:
- Վարում են և անընդհատ թարմացնում իրենց ուսումնական, դասարանական բլոգը: Իրենց փորձով կիսվում իրենց գործընկերների հետ, նրանց ստացված փորձը կիրառում:
- Մասնակցում կրթահամալիրից դուրս կազմակերպվող գիտաժողովներին, սեմինարներին՝ ներկայացնելով իրենց փորձը և իրենց գործընկերներին ներկայացնելով այլոց փորձը:
- Իրականացնում համագործակցային նախագծեր, կրթական փոխանակումներ:
- Բլեյան բաց ցանցի տարածողը դառնում:
Ուսումնական հասատության սովորողի ծնողները
- Յուրաքանչյուր ծնող, շնորհիվ կրթահամալիրում ազատ ընտրած կրթական ծրագրի, ուսումնառության անհատական պայմանագրի, ոչ միայն գիտակից ու շահագրգիռ անձ է իր երեխայի կրթության առումով, այլև կրթահամալիրի զարգացման ծրագրի իրական մասնակից, պատվիրատուն է:
- Ծնողը հանդիսանում է ընտանեկան դպրոցի հիմնադիր ղեկավարը: Ներկայացնում է իր ընտանեկան դպրոցի նախագծերը, դրանք արդյունքները:
- Մասնակցում է դպրոցում կազմակերպող ծնողական սեմինար-հավաքներին:
- Իր երեխայի հետ ակտիվ մասնակցում դպրոցում իրականացվող տարբեր նախագծերին, ծեսերին:
- Մասնագիտությանը, հմտություններին համապատասխան առաջարկում և վարում վարպետության դասեր՝ որպես ուսումնական գործի կազմակերպիչ:
- Կրթահամալիրում իրականացվող ստուգատեսների, փառատոնների, հավաքների մասնակիցը դառնում:
- Հանդես գալիս նոր նախաձեռնություններով:
- Բլեյան բաց ցանցի տարածողը դառնում:
- Ուսումնական հասատությունը հեղինակային կրթական ծրագրերի տարածող:
Հարավային դպրոց-պարտեզ 