2020 թվականից մեկնարկել են Հարավային դպրոցի նախկին նկուղները ուսւոմնական տարածքների վերածելու գործընթացը։ Աշխատանքները ամեն տարի ընթանում են ըստ փուլերի։ Ահա 2023-ի սեպտեմբերին պատրաստ կլինի Հարավային դպրոցի մի ամբողջ առաջին հարկ՝ իր սրահներով։
Դասարան-կաբինետներ
Նոր ուսւոմնական առաջին հարկում ունենալու ենք երկու դասարան-կաբինետ, որտեղ լինելու են Հարավային դպրոցի 4-5-րդ դասարանի սովորողները։ Միջավայրը 108 քմ է, լուսավոր, ընդարձակ, հատակը ֆաներայով է պատված, պատուհանները մեծ են, լուսավոր։ Կաբինետները կահավորված են նոր պատվիրված սեղան, աթոռներով։
Մարզադահլիճներ
Նոր ուսումնական առաջին հարկում ունենալու ենք երկու ընդարձակ մարզադահլիճներ, յուրաքանչյուր կողմում 2 հանդերձարան՝ նախատեսված տղաների և աղջիկների համար։ Ընդհանուր 108 քմ՝ յուրաքանչյուրը։ Հատակը պատված է ռետինե գորգերով, փափուկ է, անվտանգ, լուսավոր։
Երաժշտության, ծեսերի սրահ
Ուսումնական սրահը մեծ, ընդարձակ տարածք է՝ 108 քմ, այստեղ տեղադրված է դաշնամուր, նոր գնված աթոռներ, երաժշտական գործիքները։ Սրահում անցկացվել են երաժշտության ուսւոմնական պարապունքները, ծեսերը, այլ միջոցառումներ։
Տեխնոլոգիայի, բնագիտության սրահ
Ուսումնական սրահը նախատեսված է տեխնոլոգիական բնագիտական տարբեր գործունեություն իրականացնելու համար։ Ընդարձակ միջավայր է։ Սրահի համար ձեռք է բերվել նոր տեխնոլոգիական սեղաններ, աթոռներ, պատրաստվում են պահարաններ։ Սրահում սովորողները կարող են նկարել, կավով աշխատել, կարել, ասեղնագործել, բնագիտական փորձեր կատարել և այլն։
Շախմատի սրահ
Շախմատի սրահում անցկացվում են շախմատի լրացուցիչ կրթության պարապմունքներն, ինչպես նաև ընդիմջումներին, երկարացված օրվա ընթացքում սովորողները կարող են այս հատվածում նստել, շախմատ խաղալ։ Սրահի համար ձեռք է բերվել նոր սեղաններ, նստարաններ, հեռուստացույց։
Սեղանի թենիսի անկյուն
Այս հատվածում դրված են թենիսի սեղանի համար նախատեսված սեղանները։ Ֆիզկուլտուրայի ժամին, ընդմիջումներին սովորողները խաղում են սեղանի թենիս։